Friday, November 23, 2007

انشرها لتنل الثواب



قد رأت ام حلاوة في منامها بعد ان اخذت شاورها المعتاد قد رات الشيخ ((عظيم بن يهلوان )) وهو يرتدي ثوبه المبارك
((بنطلون جنيز اخضر وبادي اورنج استموك)) وشاهر موبايله الجامد جدا 00
ويوصيها بان ترسل هذه الرؤيه العظيمه(( واذا قمت بنشرها سيرسل لك طائر أبيض كبير جناحه منقط بفسفوري منور وهويحمل أجهزة دفدي)) أما أذا أستهزئت بهذا الكلام فبعد تسع أيام سوف تصبح(( ب ثلاث اعين و15 صباع ))
والنبي مش شبه الكلام اللي كل يومين يتوزع علينا في الشارع
والمصيبه بقت على الموبيلات والاميلات
ربنا يستر ومنفحش الحنفايات ونلاقي الرسايل دي نزلها منها والمصيبه ان في ناس بتصدق .
النهارده الكلام دا وبتعمله والمصيبه الاكبر انها بتنظر الجزاء وبتخاف اوي تستهتر بالكلام دا لحسن يحصلها حاجه
ولا اشرف وزين وعلى و00000وهلما جرة اللي بيحلموا بالرسول صلى الله عليه وسلم دول ويوصنونا اننا نشر الحلم دا اللي مافهوش اي افاده
بلا وكسه والا نتوا ايه رايكم في الكلام دا؟؟؟

Saturday, November 10, 2007

ماعرفش عنوانه

يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي اللي نايم وسارح وهايم وفي الفقر عايم وحاله دا حال

أحبك محشش مفرفش مطنش ودايخ مدروخ وآخر انسطا
ل

أحبـك مكبـر دماغـك مخـدر ممشـّي امورك كدة باتكال

وأحب اللي ينصب وأحب اللي يكذب وأحب اللي ينهب ويسرق تلال

وأحب اللي شايف وعارف وخايف وبــالع لســانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس واحب اللي بائس و احب اللي محبط وشايف محال

واحبك تســـافر وتبعد تهاجــر وتبعت فلوسك دولار أو ريال

واحبك تطبـّل تهـلل تهبـّـل عشان ماتش كورة وفيلم ومقال

واحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها هاجيبك.. لايمكن أسيبك وراح تبقى عبرة وتصبح مثال

هابهدل جنابك وأذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

هتقبل ها حبك.. هترفض هلبـّك هتطلع هتنزل هاجيبلك جمال
للاسف ماعرفش مين اللي كتبه بس اكيد فنان
ايه دا على فكرة انا مش مقتنعه با اي كلمه من القصيده دي ياجماعه بس حرام عليكو
هو الريس هيعمل ايه بس ولا ايه ثم جمال دا يعني هيشتغل ايه حرام عليكوا انتوا عارفين ان مافيش شغل اليومين دول خالص ولا ايه
ثم ابن الريس هيشتغل ايه
مش محتاجه فكاكه
اكيد ريس زيه
ااااااااااااااااااااااه عمار يامصر

Thursday, September 20, 2007

امنيه غريبه

الصحرا بجد احساس حلو اوي لما تقف وسط الصحرا والرمله صفرا ولوحدك خالص
ولا الصحرا وقت الشروق لما تبدي الشمس تحضن الرمل وتحنيها بلون الدهبي
لوحه جميله بجد
ساعتها الواحد ممكن يحس باحسايس حلوة كتير وياااه بقى لو انت رحت الوقت دا مع ااقرب حد ليك
طبعا مش هتاخد بابا او ماما او اختك او اخوك الصغير اكمنهم دايما جمبك وكده فتقول ماهما دول ااقرب حد ليا
لاء انا مش قصدي دول خااااااالص
ايواااااااااااااااا قصدي ....الفالنتينو
احساس مختلف بجد وساعتها مش هاتحس بالوحده او ان في حد غريب معاك لان مافيش حد بيحس بالوحده وهو مع روحه ولا ايه؟
لاء انا بعد البوست د هتصل بالفالنتينو بتاعي واخده ونروح علىالصحرا على طول
بس للاسف موبايلي فاصل شحن
يالا احسن برضه دا انا حتى عايزة انام
دي الساعه خمسه الفجر



Wednesday, September 12, 2007

الكدب والوانه

ااشمعنى كل حاجه بتتغير وكل حاجه بتتبدل
يعني هو الكدب هو اللي هيفضل على حاله لاء طبعا
طول عمرنا بنسمع عن كدبه بيضا وكدبه سودا
لا دلوقتي فيه كدبه خضرا وكدبه صفرا وكدبه حمرا وكدبه بمبا وبقيه علبه الالوان كمان
المصيبه بقى دلوقتي مابقتش في الكدب نفسه اد مابقى في الناس اللي بتصدق الكدب دا وبتفتكره انه هو دا الحقيقه
اللهم احفظنا
للحديث بقيه

Saturday, September 8, 2007

كل سنه وانتي طيبه يا ست الحبايب

كل سنه وكل وقت وانتي بخير وبصحه وسلامه
يأرق وأحن وأعظم أم في العاالم كله
كل سنه وانتي طيبه ياماما
كل سنه وانتي دايما فوسطينا وماليه حياتنا علينا
كل سنه وانتي وقفه جنب كل واحد فينا
كل سنه وانتي الشمعه اللي منورة حياتنا
بحبك ياماما
وسامحيني على كل حاجه يا أاقرب مخلوق ليا في الدنيا دي كلها
كــــــــــــل سنـــــــــــــه وانتـــــــــــي طيبــــــــــــــــه

Wednesday, August 22, 2007

اي حاجه بدل البلوج ماهو فاضي كده

بما اني مش عارفه اكتب ايه او انشر ايه قلت ارد على تاج دينا التاني معلش انا نطيت التاج الاول لان التاج الاول محتاج شويه تركيز قلت ارد على التاج التاني على طول بس برضه مش هنسى التاني
من هو:أحب شخص لقلبك فى الدنيا؟
اممممممممممم لازم شخص واحد لو شخص واحد بس يبقى بابا ربنا مايحرمنيش منه ابدا لو عايزة اشخاص يبقى اكيد بابا وماما و((لولو))اللي هو احمد اخويا.
نشوف السؤال التاني ؟ نشوفه
انسان مستعد تضحي بحياتك - ركز فى كلمة حياتك- علشانة؟
سوال عبيط وطبعا دينا مالهاش دعوه بعبط السوال يعني لما اغلط في السوال عادي لان مش دينا اللي حاطه السؤال0 المهم
علشان اكون واضحه حياتي غاليه عندي اوي ومش بالسهل اضحي بيها 0بس ممكن على حسب الموقف يعني لو لقيت طفل صغير حتى لو ماعرفهوش وممكن يحصله اي اذى مش هتاخر عليه حتى لو دا كلفني حياتي كلها ووالله ارجع واقول على حسب الموقف0
اسم أول حب؟
نيهااااااااااااااااااااااا عبيط دا ولا ايه طبعا مش هاجاوب!!!
اسم اخر حب(حتى الان)؟
هئهئهئهئهئهئهئهئهئهئهئهئهئهئهئهئ برررضه مش هرد.
ما هو :اسم أجمل كتاب كتبه بشر قرأته ومحتفظ به حتى الان ؟
امممممممم ممكن شمس تحت المطر
اسم كتاب-كتبه بشر برضة- انت متعلق بيه وبتقرأه كل فترة؟
انا حاسه ان نفس السؤال اللي فات
شىء تحس بالراحة النفسية عندما تنظر اليه ؟
النيل بالليل يعني بعد الساعه واحده باليل كده بيقى حلووو قوي بستريح بجد وبحس اد ايه الدنيا حلوة وصافيه
والبحر برضه ساعه الغروب بحس بالراحه وانا بصه للبحر
مش فاكره الباقي
مكان تحس فيه بالحنين الى شىء لا تدرى ماهو و ذكريات جارفة الى لاشىء ؟
اسكندريه بحس اني بحن للقاهره اوي وانا هناك خصوصا لاني بطول هناك بحن لبيتي وصحابي وقاريبي وولاد خالتي وخلاتي وعمامي والناس والشارع وريحه القاهره وريحة بيتنا وكل حاجه للقاهره بكل حلو ووحش بيها بحب الطرق كل حاجه يارب ما أتغرب ابدا عن بيتي ولا عن القاهره0
مكان تحس بالراحة عندما تدخله ؟
نيهااااااااااااااااااااااااااااااا
بيتي0
اجمل مدينة زرتها داخل مصر ؟
اسماعليه بموووووووت فيها وبحب ناسها اوووي
أجمل مكان طبيعي رأيته داخل مصر؟
مش فاكره اني شفت اماكن طبعيه كتير جو مصر كل صناعي بعيد عنك بس ممكن ااقول ((النيل))
اهم جهاز منزلى انت متعلق بيه او بتستخدمه كتير ؟
الكمبيوتر والتليفون
نوع هاتفك المحمول؟
لاء تصدق سؤال لابد منه بجد هيفرق كتير وعلى العموم سامسونج
سرعة بروسيسور جهازك ؟
لا والله ماعرفش ان شاء الله لما احمد يجي هبقى اسئله وارد عليك
حجم ذاكرة –هارد- جهازك ؟
160
المساحة التى تشغلها المواد الاسلامية على جهازك ؟
ماحدش ليه دعوه
نفس المساحة السالف ذكرها فى قلبك-الاجابة لنفسك عشان الرياء يا اخواننا ؟
برضه ماحدش ليه دعوه0
أهم هدف انت واضعه لحياتك دلوقتى ؟
اني انجح في كل حاجه في حياتي واثبت نفسي بجد
مواصفات فتاة –أو فتى للبنات- الأحلام بالنسبة لك؟
ليه هتجابلي عريس ؟؟؟؟ على العموم انا عايزاه بني محمرعلى كروهات منقط وياريت يبقى مستورد يعني لو في حاجه كده تقفيل اسبانيا ياريت وانا هدفع الفرق .
صف ما يأتى :شعورك لما بتسمع كلمة مصر؟
بفرح ااووي اني مصريه ونفسي بجد احاول وااقدر اني اخليها احسن بلد في الدنيا كلها وبحس بالفخر ونفسي بقى الناس الموسخين اسم مصر نخلص منهم بدري علشان كده كفااايه اووي
شعورك لما بتسمع كلام عن اليهود ؟شعورك لما بتسمع كلام عن اليهود ؟
بحزن على حااااااالي وحال كل مسلم ومسيحي وكفايه كده برضه
شعورك لما بتشوف ظابط شرطة ؟
بقول اه لو كنت ولد ماكنتش اتاخرت لحظه واحده .كنت دخلت كليه الشرطه على طووووووووووووول
شعورك لما بتشوف الكناس العجوز فى الطريق ؟
بيصعب عليا جدا بس ما باليد حيله ((كل ميسر لما خلق له))
لون البطانية اللى بتتغطى بيها فى الشتاء ؟
والله السوال دا بيفكرني بعبط وهبل اسئله الثانويه العامه.
لون الجورب-الشراب- المفضل لديك ؟
ارحمنا يارب من العبط
احساسك اذا داست قدمك فى الطريق على مخلفات اخراج حيوان- *** ولا مؤاخذة؟
بفرح اوي0000 سؤال ابن ستين في سبعين
تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده افكارك المصحف ؟
بحس انه هيطلع رشاش من جيبه وهيقتلني بيه
دا احساسي
احساس يراودك فى اشارة مرور مغلقة بسبب مسئول كبير؟
ببقى عايزة اعمل مجنونه وانزل اغتال المسئول دا

يااااااااااااااااااااااااااااااااااااااه اخيرا التاج خلص وطبعا في الاخر لازم اامره لحد فانا ناويا اخنق بيه كل من
خالد وحنان

Monday, July 16, 2007

الانتظار


معلش ياجماعه انا عارفه اني غبت كتير
بس معلش انا جت عليا فترة كنت هقفل البلوج بس الحمد لله ان الفتره دي ماطولتش
وطبعا الناس اللي مش عاجبها اسلوبي او كتابتي طبعا ماا اقدرش ااقلهم اغبطوا دماغكم في الحيط لاني
اولا:عندي زوق
ثانيا:بحترم اراء الاخرين
بس يعني اللي مش عاجبه البلوج بتاعي مش لازم يغصب على نفسه ويدخل فيه
وانا اوعده اني هشيله الخاصيه بتاعت انه اول مايفتح اي صفحه نت يشوف البلوج بتاعي
لا حول ولا قوة الا بالله
على العموم انا مقتنعه اوي باللي انا بكتبه وااللي شايف غير كده هو حر في رائيه بس ياريت لما يجي يكلمني وينقدني يعرف اداب الحوار الاول والاقناع قبل ما يتكلم على العموم مش مشكلتنا

------------------------------------------------------------------------------------------------------------------------------------------------------------------------------------------------------------------------------------------------------------------------------------------------
المهم دا الموضوع الجديد


هل تأخرت عنك نعم

ولكنك أنت لم تبحث عني؟
لا ادري ماذا افعل فانا انتظرك؟

ربما لن تأتي لأنك لا تعلم أني انتظرك؟
لا اعرف لماذا انتظرك؟

ولماذا اخترتك أنت دون كل من حولي لانتظرك؟
هل تعرف أنت السبب
هل أحببتك ؟؟؟؟؟؟؟؟؟
لا أظن
فلماذا أذا انتظرك
الوقت يمر فهل ستأتي أم سأظل انتظرك؟!؟!؟

Tuesday, May 15, 2007

مغلق للتـــــــــــــــــــــــــــــــــــــــــــــــــــــــــــــــــــــــــــــــــــــــــعديلات
والاصـــــــــــــــــــــــــــلاحات
واللي ما تتسمـــــــــــــــــــــــــــــــــــــــــــــــــى الامتحانات

Friday, May 4, 2007

عفوووووووووووووووا



فاصل ونواصل بعد فتره كبيره شويه
نعتذر عن هذا العطل الفني

Thursday, April 12, 2007

حدث في مثل هذا اليوم

حاااااااااااااااااااااااامد بيني هاولد
الله شدي حيل يا حبيتي شيدي حالك
وووووووووووووووووووووووووووواء وووووووووووووووووووووووووووواء
الله الله الله الله
احلى بنت والله
هو انا جبت بنت يا حبيبي
ايوا يا حبيتي
وهنسميها ايه
دينا دينا
الاسم حلو قوي يا حامد خلاص
تبقى دينا حامد محمود سماحه
هي ديه قصة حبيبه قلبي
هتسالوني بحكيها ليه النهارده ارد عليكوا وااقول
ان النهاردة يكون فات على اول واءواءه لدينا 21
سنه
هتقولولي واحنا مالنا ان شالله تم خمسين توجعي دماغنا احنا ليه ؟
هرد وااقول انا كاتبه الموضوع ده خصوصا للاحتفال بمولد دينا
ولو حد زهق من الموضوع ده نهاره ابيض ولما اشوفه
والله هوريه ما علينا خرجتوني من المود
نرجع لدينا
بجد انا ما عنديش اخوات بنات وبحمد ربنا بولاد خلاتي
وطبعا لازم امجد في دينا شويه لان بكره عيد ميلادها
لا والله بجد
دينا ديه حاجة كبيرة عندي جدا
انتوا عارفين الناس اللي بتدي من غير حساب ديه وبكل حب وعطف
دينا ديه واحده منهم
مع اني كتير بلوم عليها واقلها يا دينا والله ما بقاش في ناس طيبين اليومين دول
ايوا حبي بس مش للدرجة الكبيره ديه وكفايه طيبه بس تقول لمين اللي فيه طبع
المهم بجد يا دينا كل سنه وانتي طيبه وعقبال يارب 10000000سنه وانا هاجيلك بكره وهاقضي اليوم معاكي بس بالك انتي لو ما جبتيش تورتة وخالتو عملتلي الحاجات اللي بحبها وفصلت التليفون هي فهماني طبعا هاه هاه هاه
مش هيحصل طيب اوك
عقبال 10000000سنه يا حبيبه قلبي

Thursday, April 5, 2007

انا وشم النسيم

هاه يا مروة يا حبيتي
بابا:- هتعملي إيه
أنا :- هعمل ايه في ايه يا بابا
بابا:- يا حبيتي في شم النسيم
بيني وبينك استغربت حبيبتي تتكرر مرتين ورا بعض يا رب استر في ايه شكلها عايز نقضي شم النسيم في العراق ولا ايه
ما علينا
أنا:- ماله شم النسيم يا بابا
بابا:- حبيتي ايه رأيك لو نروح اسما عليه
أنا:- هاااااااااااااااااه هااااااااااااااه عز الطلب يا باشا ما أنت عارف أنا بحب اسما عليه قوووي والناس اللي فيها كلهم
بابا:- خلاص يامروتي حضري نفسك
طبعا في الوقت ده لازم شوية بكش مني بابا أنت أحلى أب في الدنيا وطيت صوتي وقلتله أنا بحبك اكتر من ماما والحمد لله ماسمعتش ماهو يا جماعة هيوديني الاسماعلية
رجعت يوم الاتنين من الجامعة
ماما:- حبيبة ماما
أنا:- نعم يا فندم ربنا يستر
ماما:- هاتيجي معايا ياحبيتي جمصه
أنا :- ايه جمصه
ماما:- ايوا يا حبيتي
أنا:- واسما عليه ياماما؟؟

ماما :- خالتك عزمانا
أنا :- يعني هنروح أنا وأنتي بس ولا ايه
ماما:- ههههههههههه اه ياحبيتي بابا هيقعد مع احمد عشان عنده درس
أنا:- وماله ياماما هما ليهم غير بعض ماما انا بحبك اكتر من بابا
بابا:- بتقولي ايه يامروة
بسالها يابابا هنلبس ايه
باب:-بحسب
ربنا ستر وعداها
العيال صحابي الفقرا قال جاين يسألوني هنخرج يامروة في شم النسيم هتيجي معانا والنبي تعالي
أنا:-هش هش هش هش "مصر" خروج ايه يفقرا
أنا راحة جمصه ولو مرحتش
هما:- خلاص لو مراحتيش تعالي معانا
انا:- هش هش هش هش أنا لو مارحتش جمصه
هروح اسما عليه
طيب لو مرحتيش اسما عليه هما برده
يا جماعة هو أنا زيكم لو مرحتش اسما عليه بنت عمي هاتيجي تخدني ااقضي شم النسيم في الغيط حيث الطبيعة والنقاء والجو البديع
يالا يا فقرا العبوا بعيد
هما :- ماشي ياستي حقك ربنا يبسطك
انا:- من ورا قلبكم ما علينا ماشي هفتكركم وأنا هناك
قوم ايه تيجي ماما الحاجة راحة تجيب حاجة
تمام
عادي
كله تمام والحياة أشطه
ترن ترن ترن ترن
الو الو
رقم
ايوايافندم طيب ماما هنا عندي لأنها وقعت وحد يجي يشوفها
انا قلت ربنا يستر أكيد داخت شويه الحمد لله كنت كده كده نازلة جريت عليها قال ايه ماما وقعت على وشها وهي بتعدي الشارع
يااااالهوووووووووووووووووووووووووووووووي
ماما مالك في ايه
أنتي سليمة الحمد لله قالت اه قلت عادي كدمة وهتعدي ما حطتتش في دماغي بالليل كده
راحت للدكتور قوم ايه عملها جبيرة
نعم نعم نعم
ألف سلامة عليكي وكل حاجة بس وبعدين
ها
أحلام شم النسيم راحت فين أتبخرت

يعني ياماما مالقتيش غير شوم النسيم وتقعي طيب السنة قدامك طويلة عريضة اللهم لا اعتراض ألف سلامة عليكي
وربنا يعوض عليا
وست الحبايب يا حبيبه يا حبيبه
خدي بالك والنبي بعد كده وانتي ماشية الحمد لله أنها جت على قد كده
وأنا هقول لصحابي أني زهقت من الخروج فقررت اافضل في البيت اللهم لا شماتة

Wednesday, March 28, 2007

الان أفترقنا

لا داعي من سؤالي عليك فنحن افترقنا
لا اعرف......
اشعر بالذنب الكبير تجاهك لكن ليس ببيدي ولا يدك شئ......
أخبرتك باني لست لك تمسكت بي إذا هو ذنبك
ليس ذنبي ولكن شعور الذنب مازال يداهمني
لابد أن اعترف إني أخطئت ولكن حاولت مرارا تصليح خطئي ولكن هذا التصحيح صار كتأيد للذنب لا اعرف
لماذا اشعر بالذنب والخوف عليك وكان أي خطا وقعت به بعدي السبب أنا
هل تتعمد الخطأ بنفسك لتشعرني بالذنب
كان لابد من افترقنا مازلت مقتنعة بقراري
ربما كانت طريقة فراقنا خطا ولكن أنا راضيه على فراقناهذا هو الحل لك
أم عن ذنبي فسأكتمه في قلبي سأتعذب به وحدي لن أخبرك به
سأدعو لك سأحاول أن أكون بجوارك دون أن تشعر أنت
ليس لأني متيمة بك لكن لأني اشعر بالذنب دون أن ارتكب هذا الذنب
افترقنا ومازلت اشعر بالذنب

Tuesday, March 20, 2007

اصعب شعور

ان تشعر بذنب دون ان ترتكب هذا الذنب

Saturday, March 17, 2007

انا رحت القناطر


بجد مصر لسه بخير ..لسه فيها اماكن حلوة كتير
من اسبوعين كده جت ياسمين وقالت: " ايه رأيكم لو نروح القناطر", بصراحة الفكرة عجبتني جدا خاصة اني عمري مارحت القناطر قبل كده !!
قلت وماله هيا بنا الى القناطر وطبعا الرحلة ماتبقاش رحلة من غير العيلة رحت انا وماما واتنين من خالاتى
عادي.. ايه يعني التذكرة بعشرة جنيه؟ مش مشكلة
هو احنا رايحين أي حته ديه برده القناطر
ايه يعني لما نكون عايزين نزور منطقه في بلدنا ونكون مجموعة وندفع 300جنيه ؟
عادي احنا برده بنشجع السياحة
المهم ركبنا المركب كان بجد تحفة, وكلنا اتفائلنا انا وياسمين وعيلتي واصحاب ياسمين كمان
اينعم عمو بتاع الباخرة كان بطئ جدا ورحنا في ساعتين ونصف بس وماله اهي رحلة في النيل
تووووووووووووووت توووووووووووووووووت
وصلنا القناطر
طبعا فرحنا كلنا وانا كنت زي الاطفال اول واحدة واقفة ع الباب علشان اشوف القناطر
نزلنا وياريتنا ما نزلنا
استقبلنا حنتور جميل جدا واللي كانت راكباه عاملتنا على اننا اجانب وماله اجانب اجانب
تركبي ياااهانم تركب يااابيه
اعتذرنلها بشياكة, وقلنا نكمل مش هاحكي على الريحة طبعا, ها تخيلوا انتوا
برده لسه بنتعامل على اننا اجانب, في ايه !! والله احنا مصرين
ماعلينا ناس بتعرض علينا حمير وناس بتعرض علينا احصنة وكأن القناطر ما فيهاش غير حميييييييييير وحصنة
ما علينا الجمعة آذنت قلنا ندخل نصلي علشان ربنا يباركلنا في اليوم, على العلم ان اخر مركب هتقوم من هناك يعني على الساعة 4ونص كده
ما علينا دخلنا نتوضى وبصراحة الخدمة هناك ولا دريم بارك
ما علينا صلينا هنعمل ايه دلوقت يااجماعة
هنروح نعد في الجنينة, يعني احنا سايبن مصر بكل جناينها ونروح نعد في القناطر, ماعلينا اكيد في دفرند في الموضوع
قاعدنا نمشي لمدة نص ساعة كده وعملوا فيها ناصحين وقالوا هنعد في الجانين اللى هناك العامة قلنا وماله عامة عامة احنا برده عددنا كبير
ودخلنا الجنينة العامة اللي مفروض هي مجانية وطلبوا منا نص جنيه, هنتكلم في نص جنيه مش مشكلة, بس بصراحة الجانين طلعت مافيش كده
مذهلة لا شجر ولا ضلة ولا حاجة خالص
"ابتسم انت في القناطر" كلمة كنا بنصبر بيها نفسنا
طبعا بعد معاناة اخترنا حته نعد فيها وقال جايه ياسمين وتقول تعالوا نلعب المنديل, منديل ايه هو احنا فينا حيل
المهم لعبنا شوية ورحنا نركب عجل
مهو مش ممكن نروح القناطر ومانركبش عجل هي القناطر تبقى قناطر من غير عجل ده اخر امل لينا فيكي ياااقناطر
رحنا نركب عجل, الله عليك يااعجل بجد جميلة يااقناطر
عادي ايه يعني ان العجل كان مهكع وملخلخ, الله هنتكلم في شكليات, ايه تلاتة منا طاروا من على العجل وانا كنت واحدة منهم ماهو برده تجديد
طوووووووول عمرنا بنركب عجل عمرنا طيرنا من عليه
ركبنا عجل واتبسطنا طبعا حتى بنطالونتا اتبسطت معانا من بقايا شحم العجل
ايه يعني اتنصب علينا هناك في العجل ..الله مالناس لبعضيها يعني اللي كان بيدفع خمسة كانت بتتحسب على انها 2 واللي يدفع عشرة كأنه دفع 7 والله كلها شكليات
المهم برده تووووووووووووووووووووووت توووووووووووووووووووت هنروح خلاص اليوم خلص المراكب جات وماله هنروح وماله
ياااااااااااااااااااااااااااااسمين:- ايه رائيكم ياااجماعة في الرحلة انا اخدت جنب
وقعدت اغني اغنية :-توبة ان رحت معاكي في حتة تاااااني توبة
وركبنا المركب واحنا كلنا سعادة وامل في السياحة الداخلية والخارجية وتحيا مصر ويعيش الريس
ويسامح يااسمين, ومع رحلة اخرى ويااسمين برضه, وانصح كل واحد عايز يزور معالم بلده مايروحش القناطر اللهم بلغت اللهم فاشهد واللي عايز يروح يبقى يتصل بياسمين وهي هتنظمهاله وبنصحكم لما ياسمين تعملكوا الرحلة لازم تخلوا خالتوا تعملكم معاها بيتزا لان بصراحة هي ديه الحاجة لوحيدة اللي صبرتني على اللي كنت فيها
ياااااااااسمين بصراحة البيتزا وحشتني مش هتعملي رحلة تاني

Saturday, March 10, 2007

رسالة الى أبي

أبي لماذا التدخين
أبي لك في عقلي صورة جميلة رسمتها لك الطبيعة وزينتها الاقدار ،لكن لماذا تأتي أنت وتفعل ما تفعل في هذه الصورة ؟!
هذه الصورة يا أبي كانت جميلة صافية جئت وأنت وبهت معالم هذه الصورة
صرت احتفظ بهذه الصورة الباهتة ولكن لن تكتفي يا أبي بذلك ولكن بمرور الوقت مزقت هذه الصورة.
وأنا مازالت احتفظ في عقلي وقلبي بفتات هذه الصورة الجميلة.
أتشعر انه كثير علي هذه الفتات
أتحاول حرقها!!!!
أبي احبك فهل ستعود لي؟!
فقد شيد بيني وبينك صور كبير من الدخان وهي تلك الملعونة((السيجارة))0
أبي أسفه إذا كنت ساحتدت عليك ولكني احبك
أجد فيك صورة الرجل الطيب الشرقي المحب لأهل داره وأولاده
أبي
تعلمني الصبر تحاول إن تعمله لي 00
كيف وأنت مثلي الأعلى لا تملك الصبر على فراق تلك الملعونة الصغيرة بين أصبعك
تعلمني إلا يتحكم في احد وأنت مثلي الأعلى تتحكم بك سيجارة صغيرة ملعونة
تعلمني إن ااخذ قراري وأنفذه وأنت مازلت لا تملك القرار في بعدك عنها0
احبك يا أبي أريدك بجواري دائما 00
أحب حضنك الدافئ فعمه اشعر بالأمن والحب والطيبة 0
أرجوك لا تتركني لا تتخلى عني تمسك بنا وبالحياة
واتــــركـــــهـــــــــــا فان لم يكن من اجل صحتك فاجعله من اجل صحتنا00 فا نا اعرف انك تحبنا

Monday, March 5, 2007

لست ادري


لست ادرى لو كانت نظراتي لك حب ام إعجاب
ام هي مجرد نظرات
هل أحبك هل تحبني ام هي مجرد نظرات
رايتك بالليل فوددت أن أراك بالنهار
رايتك بالنهار فتعودت على رؤياك
والان افترقنا
هل مازال لي مشاعر بداخلك هل مازالت تفكر في ام هي مجرد نظرات
تحبني لست ادري احبك لست ادري
دع قلبي وقلبك00عقلي وعقلك
للأقدار ولننتظر
ولننتظر
ولننتظر !!!!!!!

Monday, February 26, 2007

أشمعنى أم أحمد

أم أحمد دى يمكن تكون أمي وخالتك, ستي وستك, عمتي ومراة عمك, ليه أم أحمد وعشان إيه أم أحمد؟؟؟؟
لفت نظري النهاردة وأنا في الميكروباص لان البى إم بتاعتي البنزين خلص منها والمحفظة نسيتها فامخدش تاكسي ... عدي عدي المهم إني ركبت الميكروباص زى كل يوم لان الأتوبيس فاتني!! وكان ورايا اتنين ستات, ولاقيت واحده بتقول للى معاها يالا علشان المحطة جت يا أم أحمد 0
وكأني اول مرة اسمعها, لفتت نظري, أشمعنى دلوقتي ؟مانا طول عمري بسمعها
>> أمي أم أحمد... خالتي أم محمد...عمتي أم علي<< أول مرة أفكر بجد اشمعنى أم أحمد!! واحنا صغيرين نبهوا علينا اننا منقلش اسامي امهاتنا وكانه عار او عيب !! ماهي امي دي ليها اسم, والمصيبة أن الاسم ده ما بيفارقهاش حتى لما تتجوز, بالعكس... يعنى اول ما تكبر وتحلو ينادوها باسم اخوها كحالة مؤقتة, وبعد الجواز ينادوها باسم جوزها لحد اما يجي اسم النبي حارسه أحمد وينادوها بأم احمد ...!!! مشكلتنا اننا عايشين بفكر قبل الثورة, مايجراش حاجة لو قلت قبل التاريخ, طيب بنت الشاطى كانت بتكتب باسم بنت الشاطئ لأنها كانت في وقت يرفض تعليم المرأة, ما بيخرجهاش من البيت, يعني بمعنى اصح المرأة كانت مجرد انثى أو شبه انثى, تستنى العدل وتزغط في جوزها وينادوها بأم احمد, لكن دلوقتي فين أمي وأمك أم أحمد وأم مصطفى, ماهي في الشغل بتكتب اسمها كل ما بتمضي الصبح, وهي بتقبض, ولما بيطلب مديرها منها حاجه, يعني المدير لما بيطلب ورقة من سنية هيقولها مثلا هاتي الورقة يا أم احمد ولا ايه؟؟!! انا بتكلم عن امي وامك البسيطة, لكن فين السفيرة والوزيرة وحرم الرئيس, يعني لما بيجتمعوا او بيسفروا بيقولوا "قد عقدت اليوم أم جمال مؤتمر هام لحقوق المراة" ولا ايه !!! , ليه بنطلع واحنا فاقدين اسامينا ويقولولنا هي دى الاصول, والمفروض00 بتقولوا مساواة المرأة وهي لسه بينادوها بأم احمد !!! ,طيب بدل مايدوخوا علشان يسمونا باسامي بنات جميلة ويبحثوا عن اسم يليق مع اسم الاب طيب كانوا من الاول سامونا باسامي ولاد ولا ايه ؟!؟! يعني لوالست بتاعة المكيروباص كانت اعترفت باسم الست (ولا هو عيب ولاحرام ولا هو فتنة) وناديت الحلوة اللي معاها باسمها, مش كانت ريحتني وريحتكم منى, معلش بس انا هتكلم عن نفسي انا مروة مش هقبل اكون غير مروة مش هقبل اكون أم أحمد مش هشطب اسمي مش هنساه وهافضل طول عمري مروة ولو نادوني بام احمد مش هرد .. يمكن ساعتها هبقى ام هيثم

Friday, February 23, 2007

يا حلولى يا حلولى

النهاردة وانا عند خالتو, دينا بنتها كانت قاعدة على الكمبيوتر كعادتها 0000
وكانت بتقولي أعملك ((بلوج)) معايا يا مروة
قلتلها وماله يا دينا بس ياريت تذودي السكر,و لاقتيهم ضحكوا00
فبصراحة حسيت بإحراج فحاولت أصلح الموقف فقلتلها خلاص يا دينا هاتي معلقتين وتعالي ناكل
هي أم علي عندكم اسمها بلوج
ولاقتيهم بردوا بيضحكوا 00
ولاني نبيهة وسريعة الفهم فأنا عرفت طبعا أيه هو البلوج
أصل انا عائلتي ديه بتحب الفشخرة وقلت يبقى عمو حامد ((بابا دينا)) جايب لهم 2ك كاجو, بس بقى دينا بتمثل عليا ومسمياه ((بلوج ))
ولاقتيهم برده بيضحكوا بس المرة دي دينا اتخلت عن برودها المعتاد وعينك ما تشوف الا النور !!!!!
المهم فهمت ايه هو(( البلوج)) مايضرش بلوج بلوج, واهو بدل ما أكتب وما فيش يا عيني غير ماما وأحمد هما بس اللي يسمعوني أحب أنتوا كمان تسمعوني وطبعا هتسألوني بابا ما بيسمعنيش ليه
لأنه مؤمن إني موهوبة فا مبيحبش يضيع وقتوا معايا ههههههه ما علينا
المهم اني سعيدة جداا اني بقى عندي بلوج على الاقل هاكلمكم عليه
يااحلولي ياحلولي بقى عندي بلوج يااحلولي