ااشمعنى كل حاجه بتتغير وكل حاجه بتتبدل
يعني هو الكدب هو اللي هيفضل على حاله لاء طبعا
طول عمرنا بنسمع عن كدبه بيضا وكدبه سودا
لا دلوقتي فيه كدبه خضرا وكدبه صفرا وكدبه حمرا وكدبه بمبا وبقيه علبه الالوان كمان
المصيبه بقى دلوقتي مابقتش في الكدب نفسه اد مابقى في الناس اللي بتصدق الكدب دا وبتفتكره انه هو دا الحقيقه
اللهم احفظنا
للحديث بقيه
16 comments:
والله يا مروة انتى لازم تستحقى جايزة بالموضوعات الجديده والجمليه
وبرافو عليكى وانا بقولك نحن نحارب العالم من اجل الفتن والكدب وشكرا
اخوكى اودى والله يا مروة انا مش عار ف انا بكتب ايه اصلا ......
و الله يا مروة انا احييك على اختيار الموضوع هو فعلا موضوع حلو
انما انتى اختصرتى فيه لدرجة انه بقى غير واضح المعالم الى حد ما يعنى كام ممكن تتكلمى فيه شوية بس مش مشكلة
بصى يا ستى انا ماسمعتش لسة عن الكدب الالوان ده انما ان اللى اعرفه ان الكدب كدب يعنى ما فيش عندى كدب ابيض و اسود و الكدب ده من اكتر الحاجات اللى بكرهها بس للاسف هو انتشر دلوقتى لدرجة ان اللى بيقول الصراحة بقى هو ده اللى تصرفه غريب و ربنا يحفظنا
و على العموم كويس و استمرى ابدعى كده يا لالا
ZUMA
ازيك يامروه
علي فكره المشكله مش في الكدب نفسه اذا كان احمر ولا اخضر .المشكله في الناس نفسها.يامروه الناس دلوقتي هي اللي بتحب تكدب علي سبيل ان الكدب بيبقي مبرر.لكن الوقع ان الناس دلوقتي بتكدب وتصدق نفسها وكمان تلون الكدب..اللهم احفظنا
.........تحياتى مروة
معاكى حق فعلا كل شىء بيتبدل وبيتغير وخصوصا الاشياء الجميله دلوقتى الاشياء السيئه بتتغير برده بس بتزداد سوء
والكدب فعلا دلوقتى بقى شىء منتشر جدا حتى فى ابسط الاشياء ممكن حد يكدب عشان يبان بصوره معينه ادام الناس زى واحد يحكى عن اعمالل بطوليه لابوه ملهاش اى اساس من الصحه عشان الناس تقوله اد ايه والدك كان راجل عظيم يا هانى ويقلهم بابا تامر كانت العائله اللى بتمتد جذورها الى امنحتب الرابع فخوره بيه جدا
او واحد يقول انا عرفت بنات بعدد شعر راسى وكنت بالنسبه لكل واحدة فيهم فارس الحريه اللى هيخلصهم من اى قيود وهيعيشوا معاه حياه حالمه ورومانسيه ويكون موبايله عباره عن دليل تليفونات بنات اللى هو اصلا ميعرفش ولا واحده فيهم وبيبقى سعيد لما حد يطلب منه رقم تليفون
ناس زى دول اكيد بكدبهم ده بيحاولوا يعوضوا نقص جواهم بس باسلوب يخلى الناس ممكن تحتقرهم ومش عيب ان حد يكون جواه نقص من شىء معين بس العيب اننا نعوض النقص ده بطريقه سلبيه والنوع ده من لكدب انا بفضل اسميه الكدب الاحمر بصراحه اللون لايق عليه
وتعالى كده يا مروةه نبص لموضوع الكدب من اتجاه تانى
دكتور مثلا جاله مريض كشف عليه اكتشف ان حالته سيئه جدا فبيقله ماشاء الله عليك يا حج دا انت صحتك زى الحديد قوم يا راجل قوم بلاش دلع طبعا الدكتور كدب بس ايه الهدف من ورا كدبه؟؟؟؟؟؟؟؟؟؟؟؟؟
طبعاعشان معروف ان العلاج مع الحاله النفسيه الكويسه بيجيب نتيجه وطبعا بيعرف اهله حالته الحقيقيه عشان يقدروا يراعوه كما ينبغى
مثال كمان واسف لو طولت شويه
محمود ساب مبلغ من المال عند ماهر امانه لحد ما يطلبها منه المهم تعدى الايام ويدخل حرامى عند ماهر ويسرق الامانه دى من ضمن اللى اتسرق ومحمود يسال ماهر اخبار الامانه ايه يقله فى الحفظ والصون ويفضل مخبى عليه على امل انه يقدر يدبر الفلوس دى قبل ما محمود يطلبها منه
يا ترى هو كدب حبا فى الكدب ولا كدب عشان يتجمل
السؤال هنا هو كدب ليه ؟؟؟؟؟؟؟؟؟؟
ويا ريت يا مروة تبقى تردى على السؤال ده ده لو حبيتى تعلقى على كلامى
فى النهايه عاوز اقول اننا احيانا ممكن نكدب عشان هدف جميل او نبيل
بس برده ده ميمنعش انه كدب وبناخد جزاء عليه وزى ما انتى قلتى يا مروة
اسال الله ان يحفظنا
kholio
بصى يا مروة
انا تقريبا اتكلمت عن الكدب قبل كده عندى
ويمكن اكتر حاجة بكرها فى حياتى
هو الكذب انا ممكن اغفر اى حاجة
الا الكدب
وزى ما قولت فى البوست برضه
ان فى حاجات كتير فى حياتنا هى كدب
النفاق والغش والانانية وخلف الوعد وحاجات كتير فى حياتنا كدب
ومفيش كدب بالوان عندى
كله كدب
تعليقا على الكلام اللى قاله خالد
انا متفقه معاك فى الامثلة اللى قولتها
بس انواع الكدب التانية اللى عشان خاطر هدف نبيل
انا مش مقتنعه بيه
يعنى ابعد عن الدكتور والمريض وكل الكلام ده
خلينا فى الناس اللى بتكدب عشان خاطر هدف نبيل دى اعتقد انها ناس بتضحك على نفسها
انا بعتبر ان الكدب هو فى حد ذاته ضعف
وخوف وجبن..
لان الصراحة هى اسهل الطرق لحل اى شئ
انا مش بتكلم على الصراحة الجارحة بس بقول على الاقل مانلجأش للكدب على ناس ىف حياتنا ميستهلوش مننا ان احنا نكدب او مش شرط ناس ممكن الواحد بيكدب على نفسه فى حاجات كتير
مفيش افضل من الواحد يبقى صادق مع نفسه
صدقنى الخسائر هاتبقى اقل بكتييير
من انى الجا لكدبة بيضة وكدبة بمبى
عذرا على التطويل
بس انتى عارفة يا مروة قد ايه الكدب ده هو عدوى اللدود فى حياتى
هو الدكتور يا دينا لما يكدب ع المريض بتاعه عشان يرفع من معنوياته وتبقى حالته النفسيه مظبوطه ده مش هدف نبيل ولا كده الدكتور بيكدب على نفسه
انا كنت بضرب مثل لهدف نبيل والامثله غيره كتير
دى كانت وجهه نظر حبيت اعبر عنها
واكيد ومتفق معاكى جدا ان الصراحه اسهل طريق لحل اى مشكله
ومتفق معاكى جدا جدا برده فى ان الكدب ده خوف وضعف بس برده مننساش اننا فى النهايه بشر بنمر بلحظات ضعف وخوف وجبن برده والاقويه بس والشجعان هما اللى بيتغلبوا على خوفهم وعشان مش كل البشر اقويه ولا شجعان يبقى نقدر نقول ان الكدب شىء هيفضل موجود فى حيانا سواء رضينا ام ابينا بس دايما فى فرصه لاى انسان انه يقدر يتغلب على خوفه وضعفه ويتغير للاحسن لان فى النهايه الصراحه هيا اسهل طريق لحل اى مشكله
وعلى الاقل لو كدبنا على الدنيا كلها لازم نكون صادقين وواضحين مع نفسنا لان هيا دى البدايه اننا نكون صادقين وواضحين مع الناس
ومش عيب ان يكون لينا ذلات قبل كده واخطاء طالما اخدنا القرار من جوانا اننا نتغير للاحسن ودى دعوه برده يا دينا انك تغفرى لحد انه كدب عليكى على الاقل هنديله امل وفرصه من جديد انه يتغير وخصوصا اذا كنا متوسمين فيه الخير وانه يستاهل الفرصه دى
خوليو
اودي
ولا جايزة ولا حاجه يا اودي انت بس اللي مجامل شويه
وحلو اوي نحن نحارب العالم من اجل الفتن والكدب
فاهماني انت طبعا
هاهاهاهاهاها
وياعم براحتك البلوج بلوجك اكتب اللي انت عايزه
ازيك ياعمده
هو انا ما انكرش فعلا اني مختصرة شويه علشان كده قلت للحديث بقيه
بس اظن الموضوع باين وانا عن نفسي حاسه اني قدرت ااقول حاجه فيه
لاء ياعماد بس في ناس لسه بتقول الصراحه حتى لو اتفسرت صراحتهم دي على انها شئ غريب
ويارب فعلا اعرف ابدع زي ما انت بتقول كده ياعمده
حنان
انا تمام الحمد لله ياحنا انتي اخبارك ايه
فعلا ياحنان انت عندك حق
علشان ما نقدرش نقول غير اللهم احفظنا
اللهم احفظنا
خالد ودينا
اولا ياخالد حلو اوي الكلام اللي انت بتقوله والاهداف النبيله والحاجات دي
بس تخيل كده لو محمود طلب الفلوس من ماهر قبل مايدبر المبلغ
او ما عرفش يدبره اصلا
هيكون رد فعل محمود ايه لما يعرف ان الفلوس اتسرقت وماهر كمان خبى عليه
لكن لو قاله في الاول محمود هيسستم نفسه على ان الفلوس اتسرقت وبرضه هيصبر على صاحبه
احسن مايكتشف بالصدفه البحته حتى لو خد الفلوس ان ماهر خبى عليه
وساعته برضه ماهر هيبقى كداب
حتى لو فات ميه سنه اتكتبت كتبه على ماهر
والمشكله مش في الكتبه نفسها اد ما المشكله ان ماهر يفتكر نفسه هو اللي صح وبرضه ارجع واقول اللهم احفظنا
دينا
حلو اوي حوارك مع خالد وفعلا انتي قلتي حاجات كتير كنت عايزاة ااقلها لخالد في تعليقه
بس كاني قلت
وانا عارفه يادينا اد ايه انتي بتكرهي الكدب
لاننا اتربينا على كده ولا ايه
فاكراه لما كنا بنغلط ويسالوا مين اللي عمل كده
فاكراه لما كانوا بيقولنا ماحدش يكدب لان الكدب مش بينجي
دا موقف بيسيط يعني
خالد
دينا مانكرتش ان الدكتور موقفه نبيل بدليل انها قالتلك ابعد عن مثل الدكتور دا
وياريت يا دينا تقدرسي تسامحي وتغفري بجد لحد كذب عليكي خصوصا انكمتوسمه فيه الخير
بس المصيبه انك تغفري لواحد هو نفسه مش عايز الغفران داوهو نفسه رافض اي فرصه منك
تحياتي
انا عارف ان دينا ما انكرتش موقف الدكتور وفاهم كويس الفكره اللى دينا بتعبر عنها فى كلامها وهيا ان مع الصراحه هتبقى الخسائر اقل بكتير مهما كانت الصراحه دى صعبه ومقتنع تماما بالفكره دى ولا اعتراض منى ابدا على كلامها بل بالعكس انا بحييها كمان على رايها ده
بس لو كان كلام دينا قاعده فلكل قاعده شواذ والشواذ دى احنا ممكن احيانا نتقبلها زى موقف الدكتور كمثااال وده من منطلق ان ليها ظروفها الخاصه ودى الفكره اللى انا بحاول اعبر عنها
وكمان موقف ماهر لا هو بكدبه ده قاصد يضر محمود ولا يخدعه بالعكس هو عايش على امل انه يدبر الفلوس وحتى لو مقدرش يدبرها قبل ما محمود يطلبها فهو مش بايده حيله وده مش هيخلى محمود ابدا يقاطعه وانا مش لازم اقول المثال بكل تفاصيله الدقيقه والملله المفروض انه بيعبر بصوره تلقائيه عن الفكره اللى انا بتكلم عليها
وتعليقا على كلامك يا مروة
اى حد طالما شايف انه مش غلطان فى فلان الغلطه اللى تستاهل انه يقاطعه يبقى بانهى منطق هيتقبل منه الغفران ده لان هيبقى كده حصل ان الادوار اتبدلت لان محدش بيغلط فى حد فعلا ويرفض غفرانه لانه كده يبقى انسان متكبر وكلامى كله على فكره بصوره عامه لا اقصد بكلامى اى مواقف بعينها
وبكرر شكرى لدينا وطبعا لمروة اللى فتحت الموضوع وادتنا الفرصه نتكلم فيه ونعبر عن ارآنا فيه
وياريت ميكنش كلامى سبب سوء فهم واتمنى ان كلامى ميتفهمش ابدا انى بجادل لمجرد الجدال انا بس عبرت عن فكره مقتنع بيها واى خلاف فى الراى اتمنى انه لا يفسد للود قضيه
kholio
فعلاالاختلاف في الراءي لا يفسد للود قضيه
مش كلامك بس هو اللي بصورة عامه
الموضوع كله بصورة عامه
وانا عارفه انك ماتقصدش مواقف بعينها
تحياتي
كل سنة وانتى طيبة
الكذب هو الكذب
مفيش فيه ألوان
وحتي الأمثله اللي ذكرت كلها أمثله متبررش ان الأنسان يكدب فيها
الرسول تكلم عن الصدق ووصفه بأنه منجاة المؤمن ..
والكذب حرمة وقرنه بالنفاق وأجازة في ثلاث مواضع فقط مينفعش حد يضيف مواضع تانية من عنده
الأول في الحرب انك تكذب علي الأعداء
التاني في الأصلاح بين اتنين مسلمين في بينهم قطيعه
التالت في غزل الرجل لزوجته ووصفه ليها باشياء ليست فيها
غير كدا اي حد يحاول يجمل الكذب ويوجدله اسباب يبقي بيضحك علي نفسه
او بيدور علي مبرر لافعاله
ويلبس الرزيله ثياب النبل
دا واحد بيمارس نوع بشع من الكذب وهو بيكذب علي نفسه اكتر ما بيكذب علي الناس
واحيانا بيكون عارف انه شخصية كذابه
عصفور بلا اجنجه
كل سنه وانت طيب يافندم
بس الموضوع اللي فوق دا هو اللي بتاع رمضان
بس ولا يهمك انت تقول كل سنه وانت طيب في المكان اللي يعجبك
:D
شكرا لمرورك على البلوج
تحياتي
محمد باشا
ازيك
ايه الكلام الحلو بس
ياعم دا بوست تاني والله
وانا اللي كنت بقول للحديث بقيه
دا انت ودينا مخلتوليش حاجه اكتبها بجد قولتوا كلام كتيركان نفسي اقوله
وخالد طبعا ارائه كانت حلو اوي
تحياتي
Post a Comment