لست ادرى لو كانت نظراتي لك حب ام إعجاب
ام هي مجرد نظرات
هل أحبك هل تحبني ام هي مجرد نظرات
رايتك بالليل فوددت أن أراك بالنهار
رايتك بالنهار فتعودت على رؤياك
والان افترقنا
هل مازال لي مشاعر بداخلك هل مازالت تفكر في ام هي مجرد نظرات
تحبني لست ادري احبك لست ادري
دع قلبي وقلبك00عقلي وعقلك
للأقدار ولننتظر
ولننتظر
ولننتظر !!!!!!!
13 comments:
انا مش عارف انتى يا مروة بتفكرى ازاى و فى ايه بالظبط بس اللى اقدر اقولهولك انك تخلى بالك من دراستك اولا واهم
اصل الكليات عملوها للدراسة مش للحب و مش اى واحد او واحدة تدخل الكلية يفكروا فى المواضيع ده اصل الحاجات ده بتيجى لوحدها ومن عند ربنا وده نصيب فى الاول وفى الاخر و ما حدش يستعجل على نصيبه
وعلى فكرة انا عجبنى اسلوبك اوى انت طلعتى شاعرة وانا معرفش عايزك بقى تبقى تعلمينى شوية الكلام الجامد ده علشان ابقى اعرف اتكلم زيه بعد كده
كفاية كده علشان وراية مزاكرة واشوفك فى تعليق اخر
حظ سعيد
zuma
على فكرة للعلم مش اكتر الموضوع ده انا كنت كاتباه من اربع سنين يعني من قبل حتى ما افكر اني ادخل الجامعة وانا كنت ناويه امسحه لانه كان قديم انت بقى سبقتني قبل ما امسحه وعامة كلامك خلاني اتمسك اني مامسحهوش
فاكر ان في حب في الكليات تفتكر
ربنا يوفقك
والكلام ده كان مجرد خاطرة مش قصة حياتي ياعني ما تقدرش تحكم على تفكيري ولا انا عايزة ايه من مجرد خاطرة عابرة
وميرسي على المجاملة اللي في الاخر وانا مقتنعة تماما اني ماحدش بيدور على الحب هو اللي بيجيلوا ومقتنعة تماما ان كل شئ قسمة ونصيب علشن كده انا منتظرة القدر
كلامك عجبنى جدا يا مروة.. ايوا كدا طلعى الابداعات بتاعتك..
بصى يا جميل اكتبى اللى انتى حساه من غير التقيد..لانى واثقة كويس اوى فى دماغك وفى شخصيتك.. ودى كتابات لمجرد خواطر..
وعايزة اقولك برضه ان كل شئ فعلا نصيب انا مش هاقولك استنى ولكن تأكدى ان ربنا هايرزقك بحاجه كويسةوفى الوقت المناسب..سواء الوقت ده فى الجامعه او بعد الجامعة او حتى بكره..المهم ده بيبقى نصيبك
موفقه ان شاء الله
الحيرة ..اصعب شئ لما تكون فعلاً محتار مش قادر تحدد ان كان اللي ادامك بيحبك او علي الاقل معجب بيك ..
طيب هل هو حاسس بيك
وقبل كل دا هلانت فعلاً بتحبة ولا مجرد اعجاب أويكون تعود..
اسئلة صعبة
صعب انك تكون غير قادر علي انك تحدد مشاعر اللي ادامك
والاصعب لما تكون مش قادر تحد مشاعرك او تتأكد منها
او حتي تعرف هي اييه
الحياة مليانة مواقف
وكل موقف ممكن يكون ليه معني
بتفضل تعيد المشهد وتكرر التفكير يمكن توصل لشئ مؤكد
بس طالما الحياة لم تتجاز النظرات والمواقف مش هتقدر تحدد حاجة او ترتاح
وتعيش في دوامة كبيرة وصراع مع نفسك
انا اسوء شئ
هو الانتظار
هتنتظر
ونتظر
انما الانتظار مش حل ومش كافي
والقدر مش هيرسل ليك هداياه من غير ما تسعي ليها
...
دي خواطري يا مروه علي الخاطرة بتاعتك
اد ايه كانت بسيطة
اد ايه كاانت سلسله بسيطة
اد ايه كانت معبرة
فيها كتير من المشاهد والمعاني رغم صغرها ..
بجد رائع يا مروة
مستني البوست الجاي متتاخر فيه ..
محمد عبدالعاطي
بجد يامحمد كلامك حلوا قووي وانا مبسوطة ان كلامي قدر يوصل لحد صح ويقدر يفهمه زي ما هو من غير تحليل او ربط احداث وانشاء الله الموضوع اللي جاي يعجبك
و مين قال كلام غير ده انا متاكد جدا ان ده مجرد خاطرة لانى عارف دماغك كويس و انتى مش محتاجة حد ينبهك لانك اكتر واحدة عارفة مصلحتك. كلامى كان مجرد تزكير و راى شخصى مش اكتر
و بعدين انتى زعلتى ولا ايه من كلامى ده كله هظار وكلام عام اعتبريه نصيحة فى الهوا تعملى بيها او لا انتى حرة بس مش عايزك تزعلى .
و بعدين ما تحرمناش من موضوعاتك اكتبى تانى علشان اعلق تانى.
that is all my dear sister.
good luck.
zuma
انا نسيت اقول حاجة بسيطة خالص
كلمة نظارات ما فهاش حرف الالف اللى فى النص بدل ما تقلب نضارات و شنابر و عدسات و ......
please smile
good luck.
zuma
نظارات ايه وعدسات ايه هو انا كتبته عند المغربي الله
my dear sisterوتقولي
my young brother امال لو كنا غير كده كنت عملت ايهاوك يا
هاى مروه
بصراحه الحب شىء جميل يستاهل اننا نكتب عنه مرات ومرات لان الحب ده ملوش شكل محدد او تعريف محدد جربى كده واسالى اكتر من شخص عن ايه هو الحب هتلاقى كل واحد بيقول حاجه مختلفه عن التانى حتى لو كان فى كلامهم شىء من التشابهه.
بس لو حد متعرفيهوش قرا البوست ده هيحس انك فعلا بتحبى الشخص اللى بتتكلمى عنه ده لان تكرار كلمه ولننتظر دى بيدينا ايحاء انك خلاص صبرك نفذ من الانتظار .
بس فى مثل مش متذكره بالظبط كان بيقول عشان تنضف الجرح لازم تفتحه يعنى مش بالضروره الخطوه الاولى تكون من الشاب طالما هو فى النهايه حب طاهر المجتمع بيقبله
مع ان البوست قصير بس معبر جدا
برافو يا مروه
خوليو
هاى مروه
معلش نسيت اقول انى مع الاستاذ محمد عبد العاطى فى كلمته اللى بتقول..ان الانتظار مش حل ومش كافى لان القدر مش هيرسل هداياه من غير ما نسعى ليها
خوليو
منور المدونة يا خليو
بس انا مقصدش بتكريرها ان صبري نفذما ينفعش اقول انا كنت بقصد بيها ايه بالتحديد لان كل واحد بيفهم الكلام من وجهة نظره هو ممكن حد يفهم الكلام بمعنى تاني خالص غير اللي انا قصده لكن لاغلط فيه ولا غلط فيا ولو حد فهم اني انا بحبه عادي هو الفهم بيلزق وانا واخده بالي قوي انك على طول ماشاء الله متفق مع استاذ محمد عبد العاطي في حاجة ولا ايه!؟
انا محمد تاني يا مروه
البوست ده من غير زعل مالوش لزمه و مش حلو خالص
اسف على صراحتي بس يا ريت تكتبي في مواضيع او خواطر اجمد من كده او اعمق من كده
محمد تاني
منور يافندم
بقلك ايه التعليق دا مش كفايه
تعالى اديني المين احسن يار اجل ما ينفعش الكلام بالبوق كده
ولعلمك انا بحترم رايك جدا بس انا عن نفسي بحس ان الموضوع دا من احسن ماكتبت منور يا تاني
:D
Post a Comment