أم أحمد دى يمكن تكون أمي وخالتك, ستي وستك, عمتي ومراة عمك, ليه أم أحمد وعشان إيه أم أحمد؟؟؟؟
لفت نظري النهاردة وأنا في الميكروباص لان البى إم بتاعتي البنزين خلص منها والمحفظة نسيتها فامخدش تاكسي ... عدي عدي المهم إني ركبت الميكروباص زى كل يوم لان الأتوبيس فاتني!! وكان ورايا اتنين ستات, ولاقيت واحده بتقول للى معاها يالا علشان المحطة جت يا أم أحمد 0
وكأني اول مرة اسمعها, لفتت نظري, أشمعنى دلوقتي ؟مانا طول عمري بسمعها
>> أمي أم أحمد... خالتي أم محمد...عمتي أم علي<< أول مرة أفكر بجد اشمعنى أم أحمد!! واحنا صغيرين نبهوا علينا اننا منقلش اسامي امهاتنا وكانه عار او عيب !! ماهي امي دي ليها اسم, والمصيبة أن الاسم ده ما بيفارقهاش حتى لما تتجوز, بالعكس... يعنى اول ما تكبر وتحلو ينادوها باسم اخوها كحالة مؤقتة, وبعد الجواز ينادوها باسم جوزها لحد اما يجي اسم النبي حارسه أحمد وينادوها بأم احمد ...!!! مشكلتنا اننا عايشين بفكر قبل الثورة, مايجراش حاجة لو قلت قبل التاريخ, طيب بنت الشاطى كانت بتكتب باسم بنت الشاطئ لأنها كانت في وقت يرفض تعليم المرأة, ما بيخرجهاش من البيت, يعني بمعنى اصح المرأة كانت مجرد انثى أو شبه انثى, تستنى العدل وتزغط في جوزها وينادوها بأم احمد, لكن دلوقتي فين أمي وأمك أم أحمد وأم مصطفى, ماهي في الشغل بتكتب اسمها كل ما بتمضي الصبح, وهي بتقبض, ولما بيطلب مديرها منها حاجه, يعني المدير لما بيطلب ورقة من سنية هيقولها مثلا هاتي الورقة يا أم احمد ولا ايه؟؟!! انا بتكلم عن امي وامك البسيطة, لكن فين السفيرة والوزيرة وحرم الرئيس, يعني لما بيجتمعوا او بيسفروا بيقولوا "قد عقدت اليوم أم جمال مؤتمر هام لحقوق المراة" ولا ايه !!! , ليه بنطلع واحنا فاقدين اسامينا ويقولولنا هي دى الاصول, والمفروض00 بتقولوا مساواة المرأة وهي لسه بينادوها بأم احمد !!! ,طيب بدل مايدوخوا علشان يسمونا باسامي بنات جميلة ويبحثوا عن اسم يليق مع اسم الاب طيب كانوا من الاول سامونا باسامي ولاد ولا ايه ؟!؟! يعني لوالست بتاعة المكيروباص كانت اعترفت باسم الست (ولا هو عيب ولاحرام ولا هو فتنة) وناديت الحلوة اللي معاها باسمها, مش كانت ريحتني وريحتكم منى, معلش بس انا هتكلم عن نفسي انا مروة مش هقبل اكون غير مروة مش هقبل اكون أم أحمد مش هشطب اسمي مش هنساه وهافضل طول عمري مروة ولو نادوني بام احمد مش هرد .. يمكن ساعتها هبقى ام هيثم
لفت نظري النهاردة وأنا في الميكروباص لان البى إم بتاعتي البنزين خلص منها والمحفظة نسيتها فامخدش تاكسي ... عدي عدي المهم إني ركبت الميكروباص زى كل يوم لان الأتوبيس فاتني!! وكان ورايا اتنين ستات, ولاقيت واحده بتقول للى معاها يالا علشان المحطة جت يا أم أحمد 0
وكأني اول مرة اسمعها, لفتت نظري, أشمعنى دلوقتي ؟مانا طول عمري بسمعها
>> أمي أم أحمد... خالتي أم محمد...عمتي أم علي<< أول مرة أفكر بجد اشمعنى أم أحمد!! واحنا صغيرين نبهوا علينا اننا منقلش اسامي امهاتنا وكانه عار او عيب !! ماهي امي دي ليها اسم, والمصيبة أن الاسم ده ما بيفارقهاش حتى لما تتجوز, بالعكس... يعنى اول ما تكبر وتحلو ينادوها باسم اخوها كحالة مؤقتة, وبعد الجواز ينادوها باسم جوزها لحد اما يجي اسم النبي حارسه أحمد وينادوها بأم احمد ...!!! مشكلتنا اننا عايشين بفكر قبل الثورة, مايجراش حاجة لو قلت قبل التاريخ, طيب بنت الشاطى كانت بتكتب باسم بنت الشاطئ لأنها كانت في وقت يرفض تعليم المرأة, ما بيخرجهاش من البيت, يعني بمعنى اصح المرأة كانت مجرد انثى أو شبه انثى, تستنى العدل وتزغط في جوزها وينادوها بأم احمد, لكن دلوقتي فين أمي وأمك أم أحمد وأم مصطفى, ماهي في الشغل بتكتب اسمها كل ما بتمضي الصبح, وهي بتقبض, ولما بيطلب مديرها منها حاجه, يعني المدير لما بيطلب ورقة من سنية هيقولها مثلا هاتي الورقة يا أم احمد ولا ايه؟؟!! انا بتكلم عن امي وامك البسيطة, لكن فين السفيرة والوزيرة وحرم الرئيس, يعني لما بيجتمعوا او بيسفروا بيقولوا "قد عقدت اليوم أم جمال مؤتمر هام لحقوق المراة" ولا ايه !!! , ليه بنطلع واحنا فاقدين اسامينا ويقولولنا هي دى الاصول, والمفروض00 بتقولوا مساواة المرأة وهي لسه بينادوها بأم احمد !!! ,طيب بدل مايدوخوا علشان يسمونا باسامي بنات جميلة ويبحثوا عن اسم يليق مع اسم الاب طيب كانوا من الاول سامونا باسامي ولاد ولا ايه ؟!؟! يعني لوالست بتاعة المكيروباص كانت اعترفت باسم الست (ولا هو عيب ولاحرام ولا هو فتنة) وناديت الحلوة اللي معاها باسمها, مش كانت ريحتني وريحتكم منى, معلش بس انا هتكلم عن نفسي انا مروة مش هقبل اكون غير مروة مش هقبل اكون أم أحمد مش هشطب اسمي مش هنساه وهافضل طول عمري مروة ولو نادوني بام احمد مش هرد .. يمكن ساعتها هبقى ام هيثم
7 comments:
جميل جداً
من زماان الشعب المصري ارتبط بعادات اصبحت تابو مقدس محدش يقدر يقرب منه او يخالفه ..حتي من غير ما يعرف السبب دا وبنشوفه كل يوم في حياتنا انما في الاصل بيكون ليه سبب
يعني مثلاً موضوع عددم ذكر اسم المرأه سببه فكرة اارتبطت من زمن بالشعوذه والسحر
لان اسم الام بيظن المشعوذين انه لازم لاتما السحر يعني لو لازم اسحر ااحمد او عنيات مينفعش ااروح للدجال اقوله دا سمها احمد هو بيظن انه لازم يعرف اسم امها
ومن هنا كان الاسم الام نوع من انواع الاسرار حرص المصرين علي اخفائه
ومع الوقت وتقدم الزمن ورث المصرين العاده مع اختلاف الاسباب هو اخترعوا اسباب جديدة تتلائم مع العصر وفي نفس الوقت يحافظوا علي التابو المقدس ميكسرهوش
اسلوبك جميل يا مروة
محمد عبدالعاطي
علي فكره انتي اكلمتي عن موضوع نادر ان حد يتكلم فيه ومع ذلك فانه من الموضيع الجديره بالذكر فعلا تستحقي الشكر عليه
احمد صبري
بخصوص ام احمد هى الست ما اشتكتش ان حد بيندهلها ام احمد و طول عمرنا من ساعة ما اتولدنا و احنا نسمع ام احمد و ام محمد وبردو ام ايهاب بس عمرنا ما قولنا ليه ما بنندهمش باساميهم لان هى ده الاصول زى ما قالو و مش معقول هنمشى نناديهم باساميهم فى الشوارع كدة هتبقى فضايح
و انتى ممكن تريحى نفسك منة كل دة و متركبيش الميكروباص دة تانى
غيريه و اركبى 313 بس اوعى تنامى فيه علشان ده بيروح بولاق عقر دارنا
هاى يا سوسه
بصراحه يا مروه انا دايما بحاول اعمل بالحكمه اللى بتقول خير الكلام ما قل ودل بس الحقيقه مش قادر ابدا لانى الحقيقه ساعات بلاقى صعوبه فى ترتيب افكارى بس اهو انا بحاول!!!.
اظن ان موضوع ام احمد ده كان نتيجه مبالغه الشعب المصرى فى الحفاظ على حرمه المرأه او بمعنى اصح تحجيمها
وده كان عشان نحافظ عليها من الفتن وانها تكون بعيده عن اى خطايا
وانا بقول مبالغه لانهم حرموها من ابسط حقوقها وهو التعليم زى ما قلتى يا مروه.
بس الفتره دى طبعا فى اختلاف شاسع عن زمان اهى المرأه بتتعلم وبتوصل لمناصب عاليه مكنش حد يتوقع انها توصلها دى حتى بقت قاضى رغم ان الرسول (ص) قال فى حديث فيما معناه ..ما ولى قوم عليهم امرأه الا وخابوا فما بالك ا لست بقه لما تكون قاضى مع ان راى الطب بيقول ان المرأه عندها تغير هرمونى بمعنى ان دورتها الشهريه بتاثر على حالتها النفسيه وبيصيبها باكتأب والمنطق بيقول انك مينفعش تاخد قرار مصيرى وانت حالتك النفسيه مش مظبوطه او عندك اكتئاب فما بالك بقه باللى بيتحكم فى مصائر ناس تيجى فى يوم حالتها النفسيه مش مظبوطه تخبط المتهم تأبيده توديه فى داهيه ومن ناحيه تانيه ان المرأه مشاعرها بتغلب عليها اكتر من عقلها(وده كان معنى ناقصات عقل فى حديث الرسول (ص)) يعنى ممكن ترأف بواحد ميستاهلش الرأفه وتديله جزاء اقل مما يستحق.
اقصد اقول ان التغيير اللى بتطالب بيه المرأه زى ما هو ليه مميزات فبرده ليه عيوب يا ريتنا يا مروه فضلنا زى زمان وحجمنا المرأه بدل البلاوى والمسخره اللى بنشوفها كل يوم فى الشارع.
انا عارف انى خرجت شويه عن الموضوع بس اعمل ايه الجلاله خدتنى
بس انا بصراحه معجب جدا بكلامك ومش انا لوحدى والله فى ناس قرت البوست ده وعجبهم جدا .
فعلا انتى معاكى حق فى موضوع ام احمد ده لانه مش عيب ابدا ولا حرام اننا ننادى الست باسمها المجرد
بس تعالى كده نقيس كلامك على الست فى القريه طبعا الناس فى القرى بسيطه جدا متعرفش كلمه انسه او مدام او مودموازيل ما مش معقول طبعا فى القريه هيقولوا لواحده متجوزه ومخلفه يا رانيا حاف كده لاء هيقولوا برده يا ام محمد مثلا لانهم بيعتبروا ده شىء من الاحترام او الادب مع واحده متجوزه وده طبعا اعتبارا لزوجها لكن طبعا فى المدينه بيعرفوا يقولوا كلمه مدام فعادى جدا طبعا لما بقولوا با مدام كذا او يا انسه كذا فزى ما حصل تطور فى المدينه حييجى الدور على القريه برده ويوصلها التطور ده .
ومظنش موضوع ام احمد ده يا مروه لسه موجود فى المدن ابدا اظنه اختفى من زمان وان كان لسه موجود فأكيد بصوره ضئيله جدا.
بس انا بحييكى جدا على اسلوبك الساخر والممتع فى نفس الوقت واحييكى اكتر على اعتزازك بشخصك وحبك لاستقلاليتك.
وبعدين يا ستى محدش هيقلك غير مروه بس انتى متزقيش بس ههههههههه
خالد بك ابو احمد .
هاى مروة انا لقيت البلوج بتاعك لما كنت باعمل سيرش عن الاسم لان انا كمان مروة صبرى
عموما الموضوع دة موجود بس فى القرى والمناطق العشوائية يعنى ماعتقدش ان فى الشغل الخاص او اى مصلحة حكومية هينادوا بأم احمد
انما ليه متاخدوهاش على انها نوع من التدليل لام احمد والتعظيم من شأن الاستاذ احمد
لو بصيتوا لها كدة ممكن ترتاحوا
سلااااااااام
اوكيه اسم امك ايه؟
شوفتي ازاي مش هتقولي ؟
انت نفسك فيكي العادة دي...
شكرا على المقال
بصى يا مروه بالنسبه لموضع لما تكبر وتحلو ينادوها باسم اخوها ده لو انتى ولد اكيد كنتى هتغيرى على اختك وعلى كرامتك وعمرك مهتفكرى كده عشان دى حاجه فى الراجل انا نفسى لما اشوف امى يتنده اسمها فى شغلها ببقا عايز اجيب اللى بيندهوا من قفاه عادى ده مش تخلف ولا راجعيه بس دى حاجه بتبقا فى الراجل اسمها كرامه غير البنت البنت تفكر باحساسها وبقلبها بس الراجل كده مهما كان تعليمه وثقافته غير الناس الخواجااااااات كلنا بنغير عليكوا وعلى امهاتنا وانا امى بقا ام احمد ام احمد ام احمد :D:D:D
Post a Comment