معلش ياجماعه انا عارفه اني غبت كتير
بس معلش انا جت عليا فترة كنت هقفل البلوج بس الحمد لله ان الفتره دي ماطولتش
وطبعا الناس اللي مش عاجبها اسلوبي او كتابتي طبعا ماا اقدرش ااقلهم اغبطوا دماغكم في الحيط لاني
اولا:عندي زوق
ثانيا:بحترم اراء الاخرين
بس يعني اللي مش عاجبه البلوج بتاعي مش لازم يغصب على نفسه ويدخل فيه
وانا اوعده اني هشيله الخاصيه بتاعت انه اول مايفتح اي صفحه نت يشوف البلوج بتاعي
لا حول ولا قوة الا بالله
على العموم انا مقتنعه اوي باللي انا بكتبه وااللي شايف غير كده هو حر في رائيه بس ياريت لما يجي يكلمني وينقدني يعرف اداب الحوار الاول والاقناع قبل ما يتكلم على العموم مش مشكلتنا
------------------------------------------------------------------------------------------------------------------------------------------------------------------------------------------------------------------------------------------------------------------------------------------------
المهم دا الموضوع الجديد
هل تأخرت عنك نعم
ولكنك أنت لم تبحث عني؟
لا ادري ماذا افعل فانا انتظرك؟
ربما لن تأتي لأنك لا تعلم أني انتظرك؟
لا اعرف لماذا انتظرك؟
ولماذا اخترتك أنت دون كل من حولي لانتظرك؟
هل تعرف أنت السبب
هل أحببتك ؟؟؟؟؟؟؟؟؟
لا أظن
فلماذا أذا انتظرك
الوقت يمر فهل ستأتي أم سأظل انتظرك؟!؟!؟
5 comments:
اولا مين ده اللى يكلمك وانا موجودة
ولا يفكر بس او يجنن فى عقله ويخطر فى باله انه يقول كلمة عليكى
قوليله انا تبع دينا سماحة وشوفيه هايعمل ايه
المهم يعنى اكتبى ولا يهمك يا مروة بس فى نفس الوقت حاولى ماتخليش حد يمسك عليكى حاجة.. فهمانى خليكى اذكى من اى حد
بالنسبة لبوست الانتظار
احنا فى حياتنا بنتظر عامة
كنت كاتبة بقالى فترة رساله شخصية على الماسنجر
playing waiting game
حاسة انى على قائمة الانتظار الفترة دى
بس عامة خدى action
ومتحاوليش تبقى فى القايمة كتيير
نصيحة من اختك
توضيحا اكتر يا مروة عشان عارفاكى ذكية ولماحة وبتفهمى من اول مرة
ماتستنيش حاجة تحصل عشان تغير مجرى حياتك واحداث ليكى
خدى انتى الخطة ومش شرط فى جانب معين
انا بقصد جوانب حياتك شغلك وحايتك الخاصة مع اهلك وصحابك
فى تفكيرك فى قراراتك
اقصد ماتستنيش المعجزة اللى تحصل عشان تقلب الاحداث لصالحك
حاولى تاخدى الخطوة اللى تخليكى المتحكم فى الاحداث ومجرياتها لصالحك شاركى فيها ماتكونيش المتلقى فقط
اولا منورة البلوج والله
ثانيا مين ده اللى يقدر يقول ان اسلوبك وحش او حتى بفكر يمنعك من الكتابة ده اكيد ما بيفهمش حاجة .و بعدين ده اللى يفكر يزعلك و انا عايش ده يبقى امه دعت عليه ده يدغن مكانه , و اوعى يهمك راى واحد حاقد انتى طول عمرك مروة اللى انا اعرفها اللى اقوى من اى حد و اوعى تفكرى تقفلى البلوج تانى ده انا دخلت النت مخصوص علشانه .
ثالثا بالنسبة لموضوع البوست انا شايف ان الانتظار ده شىء موجود فى حياتنا كلنا احنا عاشين علشان ننتظر بكرة ولكن فى بعض الامور لازم ما ننتظرش القدر و لازم نتدخل احنا و نحول الموقف فى صالحنا . علشان انا اتعلمت ان الانتظار ساعات بيغير حاجات كتير و بعدين نرجع تقول يا ريتنا
اتصرفنا ولكن الكلام ما بيعملش حاجة .
و كونى دائما سباقة فى الفعل
zuma
أولاً حمد لله علي السلامة ... البلوج نور والله ...
تاني حاجة البلوج دا حاجة شخصية للغاية ... يعني اكتب ما أريد وما لا يعجبه لا يدخل دا حق كل مدون :)
مادام حضرتك مبسبوطة مفيش أحسن من كدا :d
وبعدين إيه الأسئلة دي ...:)
قد يكون هناك تنتظرنا ونحن لا نعلم ... نعم قد يحدث ولكن لما لا نخبرهم أننا في إنتظارهم ...
فكرت العيش علي أمل أرفضها بشئ :)
علي العموم نتتظر الكثير ...
.........عمت مساءا سيدتى
انا شايف انى طالما بعمل حاجه مستمتع بيها ومبضرش بيها حد يبقى ميهمنيش راى الناس فيها الا اذا كان رايهم ده عباره عن نقد بناء.. كده اتقبله و بصدر رحب.
بس واضح ان كلامك ده تقصدى بيه حد معين وواضح كمان انك غسلتيه مظبوط بكلامك ده
وهو ده والله عشمنا يا ابو دومه
وياريت بلاش نبص ع الجانب السىء بس طالما فى جانب تانى مشرق وبيتمثل طبعا فى الناس اللى بيهمهم يقروا البلوج بتاعك وبيستنوا اى بوست جديد ليكى وانا شايف الناس ماشاء الله واقفين معاكى وقفه رجاله والله احسن من اللى وقفها محمود المليجى فى فيلم (الارض) ونفسهم يمثلوا بجثه اللى يزعلك وده طبعا مش من فراغ اكيد بيحبوكى جدا
.....المهم ننتقل بتعليقنا (الطويل لدرجه الملل) للموضوع الجديد
انا متفق مع دينا سماحه ان الانتظار غالبا قرار خاطىء لازم فعلا ناخد احنا الخطوه ونعرف بدرى شويه القدر مخبى لينا ايه عملا بمقوله (ويفوز باللذات كل مغامر) عشان ممكن نفضل بانتظارنا ده عايشين على امل ونعرف مع مرور الوقت انه كان سراب او بانتظارنا ده ممكن نحرم نفسنا من فرصه جميله كانت مستنيانا
والبوست على فكره مكتوب بفلسفه جميله اوى ورغم ان كله اسئله بس لو ركزنا شويه هنلاقى اجابات على معظم الاسئله دى
وانا شايف والله انك لو ركزتى فى اللى
بتكتبيه مع الوقت هتخرجى حاجات لا نملك عندما نقرأها الا ان نرفع القبعات تقديرا واعجابا بها
وجربى كده واكتبى عن موضوع عام مثلا عن الصداقه الحب العلاقه بين افراد الاسره عن الطموح عن الامل عن نظرتك فى المجتمع الحديث .............. اى حاجه
هتلاقى فعلا ان جواكى موهبه محتاجه انك تنميها شويه وهتخلى الناس اللى مش عاجبهم كلامك دول يغيروا رايهم تماما او على الاقل سيصابوا بحاله من الصمت
ومش عاوزك تفهمى انى بجامل والسلام انتى فعلا عندك الى حد ما ملكه التعبير واللى ممكن تتحول لملكه الكتابه والله وساعتها يمكن نناديكى بالاستاذه مروه الكاتبه المعروفه فى الاهرام
هما ممكن يمسكوكى صفحه الحوادث فى الاول لحد ما تشدى حيلك كده ويبقى ليكى عمود خاص بيكى بس يا ريت تثبتى العمود ده كويس عشان لو عربيه خيشت فيه ولا حاجه ميقعش ههههه
ومش قلنا قبل كده تختارى صوره معبره كويس عن البوست هيا الصوره جميله طحن وكل حاجه بس لو مكان الضحكه دى شويه شرود كانت تبقى فى الجون
بس عموما جيد جدا.............
kholio
Post a Comment