قد رأت ام حلاوة في منامها بعد ان اخذت شاورها المعتاد قد رات الشيخ ((عظيم بن يهلوان )) وهو يرتدي ثوبه المبارك
((بنطلون جنيز اخضر وبادي اورنج استموك)) وشاهر موبايله الجامد جدا 00
ويوصيها بان ترسل هذه الرؤيه العظيمه(( واذا قمت بنشرها سيرسل لك طائر أبيض كبير جناحه منقط بفسفوري منور وهويحمل أجهزة دفدي)) أما أذا أستهزئت بهذا الكلام فبعد تسع أيام سوف تصبح(( ب ثلاث اعين و15 صباع ))
والنبي مش شبه الكلام اللي كل يومين يتوزع علينا في الشارع
والمصيبه بقت على الموبيلات والاميلات
ربنا يستر ومنفحش الحنفايات ونلاقي الرسايل دي نزلها منها والمصيبه ان في ناس بتصدق .
النهارده الكلام دا وبتعمله والمصيبه الاكبر انها بتنظر الجزاء وبتخاف اوي تستهتر بالكلام دا لحسن يحصلها حاجه
ولا اشرف وزين وعلى و00000وهلما جرة اللي بيحلموا بالرسول صلى الله عليه وسلم دول ويوصنونا اننا نشر الحلم دا اللي مافهوش اي افاده
بلا وكسه والا نتوا ايه رايكم في الكلام دا؟؟؟
4 comments:
اثرتى موضوع كويس اوى هدينا فرصه نشوف راى الناس فيه ايه او راى الشرع فيه ايه
بس كنا نحب نسمع الاول رايك انتى
ولنا عوده
kholio
هههههههههههه
هو فعلا الموضوع ده انتشر جامد اوى دلوقتى و الفريب ان كل واحد يبعتها يقولك انا جربت طبعا هو و لا جرب و لا حاجة و كله بيشتغل بعضه
بس انتى عايزة رايى انا شايف ان ده موقف من ضمن مواقف كتير اللى بتعبر عن سزاجة الشعب المصرى و بتقول لنا ان احنا ناس غلابة بنصدق اى حاجة بتتقال
و تعقيبا على كلام خالد بخصوص راى الشرع انا كنت سمعت كلام عن موضوع الرؤية و الكلام ده و كل اللى اقدر اقوله ان الرؤية لما الانسان يشوف الرسول صلى الله عليه و سلم فى المنام و طبعا كلنا عارفين ان رؤية الرسول صحيحة لان الشيطان لا يتجسد فى صورة الرسول فطبعا ان كان بيبشره بحاجة معينة فده صحيح انما ما عمرناش سمعنا ان الرسول بيقول لواحد لازم تنشر الكلام ده او جملة معينة طبعا كل ده تخريف من تاليف واحد فاضى ..طبعا ده على حد علمى المتواضع بهذا الموضوع طبعا نحب نسمع اراء باقى الناس فى الموضوع ده لعل الواحد يستفاد اى شىء.
و بعدين فوتوجينيك اوى الصورة اللى انتى حاطاها ده ما كنش فى صورة اوحش من ده شوية و نعم الاختيار
و خلو بالكم بقى اللى هيجيلو الكلام ده و مش هيبعته ممكن يبقى زى الواد اللى فى الصورة ده و انا حذرت بس كده
ZUMA
والله يا مروة فكرت كتير فعلا اني اكتب عن الموضوع ده
لأن دي حاجة بتمس العقيدة والإيمان بالله سبحانه وتعالى والإيمان بالقضاء والقدر
وكون ان ناس تصدق ان مجرد ارسال رسالة فارغةزي دي ان ده يمنع عنهم ضرر او يجلب لهم نفع فده في حد ذاته خلل جسيم في عقيدتنا
واعتقد ان الرسايل دي شغل يهود ابالسة مفيش غيرهم اللي يعمل كده
والمصيبة زي ماقلتي كده ان في ناس بتصدق
وإنا لله وإنا إليه راجعون
----------
الصورة اللي حاطاها بجد شنيعة هههههههه
ربنا يسامحك بقى
:D
ازيك يا لالا صباح الفل
اصل انا دلوقتي الصبحعشان كده بقول صباح الفل
طبعا انتي متعرفيش يعني ايه صبحيومك بليل بس على اساس انك بتسهري تذاكري
هههههههههههه
معلش مش قصدي حاجه وحشه
المهم يا ستي انا طبعا عاجبني اوي الموضوع اللي انتي اتكلمتي فيه بس مش عاجبني خالص طريقة تناولك للموضوع لانه مينفعش نتريق عليه لان ناس من اللي انتي اتريقتي عليهم دول احيانا كلمامهم بيبقى صح
بس المشكله انه كالعاده بيطلع فئتين من الناس ناس تصدق اوي بعبط و كمان تحاول تقلد على اساس انها قريبه من ربنا و ده طبعا غلط
و الفئه التانيه الناس اللي زي حضرتك اللي بيتفهو من اي حاجه و بيسخروا من الناس التانيه جدا لدرجه ان الناس التانيه دول بيبقوا ضدهم رغم ان ممكن كلنا نوصل للصح و محدش يضحك علينا حتى لو اللي بيضحك علينا ده من بينا مش هيعرف......عارفه امتى ..........لو احترمنا عقول بعض و اتكلمنا بطريقه محترمه عن اراء بعض عشان ادي مساحه للانسان اللي ادامي انه يفكر في كلامي بجد مش يحس اني بتريق عليه و السلام اكيد فاهماني مش كده
خصوصا ان ده موضوع ديني يعني مينفعش اننا نتكلم عن حاجات بنمس عقيدة اي حد حتى لو من بعيد باي شكل من اشكال التهريج او الاستهزاء
امابالنسبه للوضع الديني انا هقول حديث عن البي عليه الصلاة و السلام او بالاحرى هفكركم بيه بس لان اكيد انتم عارفينه
(من كذب علي متعمدا فليتبوا مقعده من النار)
و انا في رايي الناس اللي بتقول انها شافت النبي عليه الصلاة و السلام و انه قال له شيئا و بلغه شيئ ان يتقو الله فيما يقولون و اذكرهم بهذا الحديث ليكون عليهم حجه يوم القيامه فان كانو صادقين جزاهم الله خيرا و غفر لنا و لهم و ان كانو غير ذلك فاثمهم على الله و الله عزيز ذو انتقام
شكرا عالموضوع الجميل يا مروه و اتمنالك التوفيق و النجاح في امتحاناتك اللي جايه بس يا ريت تذاكري عشان انتي اصلا كليتك بجد سهله و لذيذه و مش مستاهله اكتر من انك بس تبصي في الورق بتاعك عشان انا كل ما بفتكر ان في ناس بتسقط في الكليات دي بصراحه بحس اني لا مؤاخذه في الكلمه يعني اتنفخت في كليتي
ربنا معاكي
Post a Comment