يا شعبي حبيبي يا روحي يا بيبي يا حاطك في جيبي يا ابن الحلال
يا شعبي يا شاطر يا جابر خواطر يا ساكن مقابر وصابر وعال
يا واكل سمومك يا بايع هدومك يا حامل همومك و شايل جبال
يا شعبي اللي نايم وسارح وهايم وفي الفقر عايم وحاله دا حال
أحبك محشش مفرفش مطنش ودايخ مدروخ وآخر انسطال
أحبـك مكبـر دماغـك مخـدر ممشـّي امورك كدة باتكال
وأحب اللي ينصب وأحب اللي يكذب وأحب اللي ينهب ويسرق تلال
وأحب اللي شايف وعارف وخايف وبــالع لســانه وكاتم ما قال
وأحب اللي قافل عيونه المغفل وأحب البهايم وأحب البغال
وأحب اللي راضي وأحب اللي فاضي وأحب اللي عايز يربي العيال
وأحب اللي يائس واحب اللي بائس و احب اللي محبط وشايف محال
واحبك تســـافر وتبعد تهاجــر وتبعت فلوسك دولار أو ريال
واحبك تطبـّل تهـلل تهبـّـل عشان ماتش كورة وفيلم ومقال
واحبـك تأيــّد تعضّـد تمجّــد توافق تنافق وتلحس نعال
تحضّر نشـادر تجـمّع كوادر تلمـّع تقمـّع تظبـّط مجـال
لكن لـو تفكـّر تخـطط تقـرر تشغللي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها هاجيبك.. لايمكن أسيبك وراح تبقى عبرة وتصبح مثال
هابهدل جنابك وأذل اللي جابك وهيكون عذابك دا فوق الاحتمال
وامرمط سعادتك واهزأ سيادتك واخللي كرامتك في حالة هزال
وتلبس قضية وتصبح رزية وباقي حياتك تعيش في انعزال
هتقبل ها حبك.. هترفض هلبـّك هتطلع هتنزل هاجيبلك جمال
للاسف ماعرفش مين اللي كتبه بس اكيد فنان
ايه دا على فكرة انا مش مقتنعه با اي كلمه من القصيده دي ياجماعه بس حرام عليكو
هو الريس هيعمل ايه بس ولا ايه ثم جمال دا يعني هيشتغل ايه حرام عليكوا انتوا عارفين ان مافيش شغل اليومين دول خالص ولا ايه
ثم ابن الريس هيشتغل ايه
مش محتاجه فكاكه
اكيد ريس زيه
ااااااااااااااااااااااه عمار يامصر
18 comments:
لابجد حلوة فعلا واللي قالها فنان جااامد
بغض النظر طبعا عن الحاجات اللي مش عجباكي لأنها بردو مش عجباني انا كمان
:D :D :D
اولا ميرسي على متابعتك جدا
ويارب دايما كده تبقى منور البلوج
ثانيا كويس اوي ان الحاجات برضه مش عجبااك
الحمد لله متفقين
تحياا مصر وعاش الريس وابنه
ولا ايه؟
حد عنده كلام تاني
ها؟؟؟؟؟؟
ازيك يامروه
انا بجد مبسوطه جدا جدا جدا من الموضوع ده وكمان الجراءه اللي انتي فيها
انا المقال ده قريته في جريده الدستور من حوالي 5 شهور
اللي كاتب المقال ده طبعا الصحفي المشهور والمحترم جدا جدا (ابراهيم عيسي)رئيس تحرير جريده الدستور
اللي انا بحترمه جدا وبكنله كل احترام
انا كمان كان نفسي اكتب المقال ده في البلوج اول ما قريته بس للاسف بابا كان منبه عليا مكتبش اي حاجه لها علاقه بالسياسه
بس كده انا ممكن افكر ان اكتبه عندي
وبعدين الراجل بيتكلم صح في المقال.وعشان كده تلاقيه متبهدل ياعيني مابين محاكم وسجون ودي وصلت مره لانهم قفلوا الجريده بتاعته
ماهي البلد دي كده اللي يقول فيها الحق يبقي شيوعي
اه يامروه صحيح
عنونان المقال اسمه
خطاب الرئيس للشعب
هههههههههههههه
جامد اوى البوست ده
بس ايه الجرئة ده انتى المفروض تنضمى للجماعة من بكرة ول ايه؟
هههههههههههههه
جامد اوى البوست ده
بس ايه الجرئة ده انتى المفروض تنضمى للجماعة من بكرة ول ايه؟
عم عماد صباح الفل
جمعاه ايه يامعلم
لااااااااااااااااااااااا
كله الا الجمعات مع احترامي الشديد لكل الجمعات في مصر او عدم احترامي انا ماليش دعوه ياخويا بالكلام دا
وتحيا مصر وعاش الريس وبحب السبانخ
قال جمعات قال ؟
ماشي يانجم
سجنك على ايدي ياعماد ماتخفش
ههههههههههههههه
قال جمعات قال تجيش تفتشني
فتشني فتش
:D
لا جراءة ولا حاجه ياحنان
انا بس حسيت الكلام اوي وحسيت ان الفنان اللي كاتب الكلام دا صادق في كل حرف فحبيت بس اوضح فكرة اني بايده في كل كلمه هو قاله قلبلا وقالبا
وشكرا ياعم المثقف على مساعدتك
هههههههههههه
وقولي لعمو محمد ماتخفش ياعمو احنا في بلد ديموقراطي
واهم حاجه مساحه الراي اللي احنا مستمتعين بيها دي
عااااشت الديموقراطيه وعاشت مصر
ويسقط الفساد والريس دامت حياته لينا
:D
الكلام جميل بصراحه وهو كلام مش جديد على الناس ولا حاجه ولا هو بيفتح عنيهم على حاجات كانت خافيه عليهم بالعكس الكلام ده هو لسان حال كتير من الناس
بس الفرق انه صاغ كلامه باسلوب لاذع وساخر جداا لدرجه تجعلنى اصفق اعجابا باسلوبه عشان كده نقدر مجازا نطلق عليه لفظ فنان
بس سؤال
ثم اما بعد؟؟؟
يقال ان من كثر كلامه قل فعله
يعنى احنا آخرنا ايه بنتكلم وبس!!!!!
وطالما اقتصر رد فعلنا على مجرد الكلام يبقى انا شايف اننا نستاهل اللى احنا فيه واكتر
ومش من حق اى حد انه يحزن على حاله
انت عملت ايه عشان تغير الوضع اللى مش عاجبك ايه الخطوه المناسبه او الايجابيه اللى قمت بيها عشان تغير اللى مش عاجبك
طبعا الاجابه كفا الله المؤمنين شر القتال وامشى جوا الحيط وخلى راسك فى الارض يمكن تلاقى مسمار ع الارض ينفعك فى حاجه ولا بتاع..... ولا يمكن تلاقى الشلن اللى ضاع من الحكم وهو بيعمل قرعه بين الاهلى والزمالك مين هيقف ع اليمين ومين هيقف ع الشمال
وهو ده اللى ابراهيم عيسى يقصده فعلا بمقاله الجميل ده
انت عملت ايه عشان تشيل التراب اللى على هدومك ولا حاجه؟ يبقى اشرب بقه يا حلو واقابلك فى زنانيرى
واحب اقولك يا انسه ان الاندفاع فى التعبير عن اللى جوانا مش حلو وحتى لو كان حلو يبقى على الاقل نكون مؤمنين باللى بنقوله ويكون بياخد حيز كبير من اهتمامنا عشان نعبر عنه او حتى نندفع فيه عشان نتجنب الوقوع فى الندم
تحياتى لابراهيم عيسى
ازيك يا مروه و لا اقولك يا لالا اي حاجه بس كويس انك تنشري حاجه كويسه حتى لو كانت بتقلب علينا المواجع بس الاحلى اني اشوف ردك انتي و صياغتك انتي بد انا مستني اشوف اسلوبك الحلو في مواضيع جامده و كنت بعت لحنان لينك يا رب تديعالك عشان تكتبي عن الموضوع ده
على فكره انا قريت البلوج بتاع دينا و من غير مجامله البت دي جامده مع اني مختلف معاها في اساسيات كتير في مواضيعها بس بجد افضل اسلوب بتختاره عشان تصيغ رايها و توصلو للي بيسمعها كويس
عاش يا دينا اوي و مستنيكي في الموضوع اللي بعته لحنان انتي كمان .
و انتي يا لالا مستنيكي
و قبل ما انسى اللي عجبني اكتر من الموضوع اللي انتي ناشراه هو التعليق بتاع الا او الاخت الاخير بتاع عملت ايه عشان تشيل التراب من على هدومك
على فكره و الله مش بتريق بس بجد استمتعت بالموضوع اوي و استفدت بالتعليق اكتر
اه صحيح سلميلي على حنان
و على فكره يا مروه محدش بينسى اللي بيحبه بس ممكن يعيش من غيره
و بلاش شغل النداله بتاعك ده و اسالي على حنان اكتر من كده شويه و سلام خااااااااااااص جدا لاخف دم في البلوجات كلها انتي طبعا يا مروه بجد دمك خفيف بس مستنيكي عشان عايز اشوف دمك التقيل في المواضيع التقيله
thanks alot mr TITO
طبعا حتى من غير ماتمضي ياخالد عرفتك
برشا اتوحشتلك ياراجل
وحشنا تعلياقتك الجامده دي
خالد افندي انا مقتنعه بالكلام اوي اللي كاتبه ابراهيم عيسى غير كده اذهلني اسلوبه
مجسد كل ماساتنا والوضع اللي احنا فيه في بضع ابيات
مش شرط اكون مناضله او انتمي لاحزاب معارضه علشان الموضوع دا يعجبني وانشره عندي في البلوج
وماتخفش انا غيرت المسحوق بتاعنا يعني احتمال التراب يتشال
("_")
بس قالي هنتقابل امتى في زنانيري وماتنساش تقلي هي فين زنانيري دي اصلا ها
تيتو
ازيك عامل ايه
اولا انا بسال عت حنان والله
ثانيا هي لسه بعتالي الينك وان شء الله هعمل بوست عليه
ثالثا بقى ودا الاهم يامعلم
ايه حكايه ماحدش بينسى اللي بيحبه لكن ممكن يعيش من غيره
قصدك ايه يافندم
انا دورت في البوست كله عن حاجه ينفع تعلق عليها التعليق دا مالقتش خالص
ايه اللي دخل عايشه في ام الخير
منوووووووووووووووووووووووور ياتيتو
("_")
اه نسيت اشكرك عن المجامله اللي في الاخر دي كلك ذوق والله
زيك يا لالا عامله ايه
بصي يا ستي و عيشه و لا ام الخير انا لما قلت ان الواحد مش ممكن ينسى اللي بيحبه بس ممكن يعيش من غيره انا كان قصدي على تعليقك على بوست حنان كاتباه عندها بس معلش اخوكي جاهل بلوجات فكتبته التعليق هنا على اسان اني موجه الكلام ده ليكي و عالعموم اسف على سوء الفهم
الشعر ده لأحمد فؤاد نجم
رائد الشعر باللغه العاميه
و تحياتى و نورنى فى المدونه
Post a Comment